الأحد، 20 مارس، 2011

أمي ثم أمي







أعتقد إني مهما قلت مش هقدر أوفيها حقها , ومهما عملت مش هعرف أرد اللي هي عملته طول عمرها 


و يمكن ده يبقي تعبير بسيط 


 أبدأ منين و أقول إيه فكريني
ما إنتي دايما كنتي في وقت الشدة بتنجديني
هعمل عليكي شديد ومبعرفش أعبر
ما هو إنتي حتي لما بقول كنتي بتمليني

بحلم بكره زي ما إنتي عايزاني تشوفيني
ما هو فعلا في المقارنة دايما بتفضليني
دايما بحس إنك ورايا
في أحلامي و طموحاتي بتدعميني

بغلط كتير وإنتي مصرة كل مرة تسامحيني
بشوف عيونك ناحية السكه الصح بتوريني
مهما أحس إني مش هقدر
بإحساسك و إخلاصك تقويني

لو هقولك قد إيه بتوحشيني
لو هحاول أوفي بجزء من ديني
علي قد ما أقدر في يوم عيدك هقولك
كل سنة و إنتي طيبة يا أمي يا نور عيني 


12 التعليقات:

;كارولين فاروق يقول...

كل سنه وهي طيبه
والامهات كلهم بخير

حَـبآيـۃْ.بـטּـدۉڷ يقول...

جَـمِيل أوي ..

إننـآ نعتِرف بفضلها

بمجُردْ إننا عَـآيزين ..

..
نِكتبلها كَلآمْ ..

منعكِش .. مِش مرتب .. من غير ما نحذف منه ولا سطر ..

بيطلع عَفَـوي ..

فـ بيطلع جَـميل جِـداً .. :)

..

رَبنا يخليلنـَآ أمهاتنـآ كُلنـا :)

شريف القاضى يقول...

صدقت يا مصطفى الام صعب الواحد يقدر يوفيها حقها مهما عمل ..

re7ab.sale7 يقول...

جميلة اووي بجد وكلماتها بسيطة ومعبره
تسلم يايدك
وكل سنة وكل الامهات بخير وسعادة وحب

Noha Saleh يقول...

كل نة وكل الامهات طيبين وبخير وصحة وسعادة

reemaas يقول...

مانساش الابتسامة ومش هنسى يا ماما النظرة اللى تعلم وماتهنش الكرامة

جميييلة كلماتك جدا يامصطفى وكل سنة وامى وكل الامهات بخير وصحةوسلامة يارب

FAW يقول...

شكرا للجميع و كل سنة و كل أم بخير و سلامة

ابراهيم رزق يقول...

كل ستة و كل الامهات طيبين
خالص تحياتى

شيرين سامي يقول...

حلوه أوييي بجد
بغلط كتير وإنتي مصرة كل مرة تسامحيني
صحيح جداً مفيش انسان في الدنيا زي الأم كل سنه و مامتك طيبه و كل الأمهات بخير و صحه و سعاده
تحياتي ليك يا مصطفى

وجع البنفسج يقول...

عن جد كلمات كثير حلوة يا مصطفى .. ذكرتني بالذي مضى ،،، ربنا يحفظ الست الوالدة ويخليها يارب ، ويحفظ كل امهات المسلمين .. ويرحم امي ويجعل مثواها الفردوس الاعلى من الجنة.

ساسو يقول...

فينك يا مصطفي
يارب تكون بخير

ساسو يقول...

عندك حق يا درش
كلماتك جميله
اجمل حب في الدنيا وارق حنان هو حب وحنان الام
ومهما عملنا مش هنوفيها حق من حقوقها علينا
ربنا يبارك في امهاتنا كلنا