كام مرة صحينا , من النوم إبتدينا , يومنا بشجن
وفي الليل نهينا , كأن إتعادينا , وطيرنا إتسجن
كام مرة إتدفن
حماسنا وطال سكاتنا وخنوع آهاتنا جوه البدن
كام مرة طوّل , كلامنا وأوّل , ما راح حلاوته بان الخداع
كام مرة خدنا جبهة دفاع
كام مرة سبنا الروتين ياخدنا
كام مرة في لقانا , في ليل سهادنا كان الوداع
كام مرة إختلفنا في وجهات النظر
كام مرة عانينا ظروف الحياة
كام مرة شغل , كام مرة سفر
كام مرة إحتملنا علشان نكمل , فوق إحتمال كل البشر
كام مرة كأن الوشوش غريبة , كأن النفوس صبحت كئيبة
كام مرة فتور , كام مرة نفور , كام مرة السؤال بقي كله عيبة
كام مرة لأ , لا يمكن نكمل
كام مرة كل نظراتنا ريبة
كام مرة بعتي وأنا إشتريت , كام مرة بعت بعدين بكيت
كام مرة رحنا , بغباء كافحنا , لحد ما كان فيه بنا خيط
كام مرة عانيتي كام مرة عانيت
كام مرة ندمنا وتُبنا وفهمنا , خلافنا البسيط
كام مرة خرجنا للنور وشوفنا صورتنا في بيت
كام مرة قلنا خلاص نسيت
ولجل الحلال . .
ولجل العيال . .
رجعنا ولسان حالنا قايل كِفيت
10 التعليقات:
رائعة بجد..
مرة ومرات ..
جميله الكلمات و الأحاسيس المتناقضه اللي يتصاحب أي علاقة حب بجد وصفك رائع آخر جمله بتاعة العيال هي بس اللي فصلتني شويه عشان كنت متخيلاهم مخطوبين أو في مرحلة قبل الزواج, كمان مبحبش نرجع لبعض عشان العيال أعتقد عشان منقدرش نستغنى عن بعض.
جميله أشعارك في إنتظارها دائماً
نحياتي الخالصه لك
السؤال...كام مره ماحصلش كده
جميله اوووى
تسلم ايدك
blue
متشكر جدا
نورتيني
شيرين
يعني أنا إفتكرت إن هيبقي واضح من أول جزئين إنهم متجوزين . . عامة حقك عليا :)
هي فصلة فعلا حكاية العيال بس بصراحة حاسيتها أقرب للواقع . .
وبعدين مش العيال بس
هم ندموا وفهموا الخطأ البسيط
ورجعوا لورا كده وشافوا صورتهم في بيتهم . . فيها شوية رومانسية أهي :)))
تحياتي . .
bent men elzaman da
معتقدش مفيش حد مبيحصلش معاه كده
متشكر جدا لمرورك ولذوقك
عجبنى اوى التناقض فيها فى الاحاسيس
reemaas
مبسوط إنها عجبتك :)
الله !
جميلة أوي
بجد بجد رووعة
تسلم ايدك
استمر
تحيتي لك
و بالتوفيق =)
sara
الله عليكي :)
متشكر جدا
نورتيني . .
إرسال تعليق