الجمعة، 8 أبريل، 2011

يا ملين :) + تحديث






من حوالي سنة تقريبا بدأت أكتب رواية . . وخلصتها بعد 8 شهور , طبعا بسذاجتي زي أي كاتب مبتدئ رحت و كلي عشم لأقرب دار نشر . . وبعدين لأبعد شوية . . وبعدين للأبعد خالص . . و زي أي كاتب مبتدئ - محترف - مطولتش و رجعت علي بيتنا عدل , المهم . .
طبعا الثورة لما قامت كانت حجة هايلة لدور النشر علشان ينفضولي , رغم الكتب الكتير اللي إنهالت علي المكتبات اليومين اللي فاتو . . بس طبعا بما إني كاتب رواية ملهاش أي علاقة بالثورة . . معلش بقي :) . . فأنا قلت أريح دماغي وأستفيد من المدونة وأنشرها هنا . . المشكلة اللي فكرت فيها هي إن الرواية طويلة شوية . . ومش عارف لو عوزت أكتب أي بوست في النص هعمل إيه !! . . رغم إن دماغي فاضية تماما اليومين دول , أو أنا فضيتها لأني بنهج من كتر الأحداث فقررت آخد نفسي شوية . . .

طبعا أنا بشكر مقدما أي حد هيقرا الرواية وأرجو إنها تعجبه ويستحملني بقي لغاية ما تخلص . . طبعا أنا لو نشرت فصل كل إسبوع يبقي الرواية هتخلص بعد . .  سنة و3 أسابيع :) . . فهحاول معملش كده :) )

بعتذر مقدما عن أي لفظ أو مصطلح لاذع شوية بس كل المقصود إني أكتب الرواية دي زي ما حصلت فعلا . . تقريبا كل أحداث الرواية حقيقية – مع إختلاف الأماكن - فأنا حبيت ألتزم بالنص .

ده غلاف الرواية اللي عملته يا رب يعجبكم . . وأول فصل هنزله في أقرب وقت .







ده لينك المدونة الخاصة بالرواية وممكن برضو تفتحوها من الصورة اللي في المدونة 


http://iwas-faw.blogspot.com/



11 التعليقات:

nesma hatem يقول...

waiting :)

ساسو يقول...

اولا انت دمك زي العسل والله
وعلي فكره مدونتك من اكتر المدونات اللي بتشدني كتييير
ثانيا دا من حسن حظنا انك منشرتهاش في اي جريده علشان تنشرها في مدونتك ونقراها ونتمزج ونستمتع بيها
ثالثا كل كلمه من كلماتك اجمل من بعض
والله انت كاتب موهوووب
ومستقبلك باذن الله هيبقي جميل

يلا يا جميل انا منتظره ما يبدعه قلمك

Antika يقول...

ممكن تعمل مُدونة تانية خاصة بالرواية
وتخلى هنا للكلام والافكار العادية
عشان تكون مُجمعة لوحدها :)

شريف القاضى يقول...

والله خطوة ممتازة منك إنك تنشر الرواية على النت ...وإن شاء الله أوعدك أحاول أقراها ...رغم انى بفضل أقرا الروايات فى كتاب ...
وبخصوص نشرها ...
أقترح ...تنشرها فى مدونة مخصوص ..لان دى تجربة مختلفة ...
بالتوفيق دايما ..

reemaas يقول...

منتظرة بس يارب ماتتسرق منك حاول يبقى ليها تسجيل باسمك فى اى مكان يا مصطفى

re7ab.sale7 يقول...

صباح الورد
الحال من بعضه بالنسبة لدور النشر معايا
بس انا بقي مصممه علي اشياء كتير ولا تنازل ابداااااااااا عن اي شيء
المهم بجد ربنا معاك وحاول انك تنزل الرواية بسرعة وكل اسبوع فصل كويس برضه ...وكمان اكيد هنتابع ان شاء الله
ربنا يوفقك

شيرين سامي يقول...

مبرووووك جميل انك تكون كاتب رواية و الأجمل انها بعيد عن السياسه عشان زهقت بصراحه من السياسه و على فكرة مفيش مشكله انك تخلي المدونه قسمين و تكتب براحتك و تنزل حلقات من الروايه براحتك و احنا أكيد هنقرى الاتنين:)
في إنتظارك و متخافش هنستحمل الألفاظ عشان هي دي الواقعيه.
تحياتي ليك

حَـبآيـۃْ.بـטּـدۉڷ يقول...

شَوقتِنِي لـقرآية الرٍّوآيه .. :)

مِستنِيـآهـآ .. :):)

BluE يقول...

السلام عليكم

انا مع الرأي انك تعمللها مدونة خاصة فيها .. هيك ما بتضيع فصولها بين مواضيعك وبكون الها رابط مباشر من مدونتك هاي

الله يوفقك .. وبنستناها :)

FAW يقول...

متشكر جدا للجميع
وجاري دراسة مقترحاتكم المحترمة :)

reemaas
حصل فعلا و دي حاجة تفوتني :)

اغانى الشتاء يقول...

هييييييه انا قدامى يوم كمان و اخلص الرواية اللى بقراها
اكيد هستنى روايتك بس اتمنى انها متبقاش على سنة و 3 اسابيع عشان انا مبعرفش استنى من غير ما اعرف الاحداث القادمة كتير
يلا مبروك مقدما :))