الخميس، 18 نوفمبر 2010

My PicS



عارفين لما الواحد يبقي حاسس إن جواه طاقه مضايقاه ونفسه يفرغها , حاجه كده مخلياه مش قاعد علي بعضه , بيدور بقي علي الحاجه اللي يقدر يعملها وتخليه يفرغ الطاقه علشان يرتاح نفسيا , يشتغل , يكتب , يرسم , يدرس , يلعب رياضه , ينام برضو ممكن :)  . . . .
النهارده أنا بصراحه كنت زهقان من الكتابه , أو يمكن مكنتش لاقي حاجه معينه أكتبها . . عادي يعني بتحصل . . وبرضو الأخت زهره قالتلي في تعليقها علي البوست اللي فات ( طول عمري نفسي أقول الجمله دي D: ) إن كتاباتي بدأت تاخد الطابع الأدبي , بتدبسني يعني وبتحسسني بالمسئوليه البنت دي . . فلقيت إني لازم أركز قوي علشان أكتب حاجه تليق بعقليات ناس متفوقه ومعظمهم أحسن مني مليون مرة زيكوا . . المهم . . . لقيت برضو إن صوابعي وجعاني من الكتابه , فقررت أرسم بقي شويه :) . . قصدي يعني أحط كام رسمه من رسوماتي القديمه لإني مش فاضي خالص للرسم اليومين دول أصلا . . وبالمره آخد رأيكو . .





دي أول صورة . . ومش أنا اللي راسمها بصراحه (علي عكس اللي قلته فوق !! ) بس تعمدت أحطها أول واحده لأنها صورتي . . أختي هي اللي راسماها , طالبه فآخر سنة في فنون جميله . .
فرق كبير قوي لما الموهبه تصقلها الدراسه . .


طبعا أنا أحلي بكتير . . D:










ودي تاني صورة . . دي بقي أنا اللي راسمها . . معشوقتي الجميله , جينيفر لوبيز . . يعني علي قد ما قدرت وطبعا أنا عدلت فيها شوية حاجات بعد كده بس كسلت أعملها أبلود تاني . .











ودي تالت صورة . . هي المفروض كانت صورة لأحمد مكي بس قلشت مني بصراحه وطلعت واحد تاني . . 










ودي رابع صورة . . حبيب قلبي بروس ويليس في إعلان ريبان . . جنتل طول عمره الراجل ده ومبيكبرش أبدا وأفلامه كلها تحفه . .










ودي خامس صورة . . واحد صاحبي ماتعرفوهوش . . والحمدلله إنكوا ماتعرفوهوش . . نسخه حديثه من سمير غانم أيام ثلاثي أضواء المسرح . . بس بشعر . . يللا مش عايزين نجيب في سيرة حد :)









ودي آخر صورة حاليا . . ميتسوبيشي لانسر إيفوليوشن 2001-2003 . . . عربيه ملهاش حل وأكيد أحلي مليون مره في الحقيقه . 






وكل سنة وإنتوا طيبين صحيح . .

24 التعليقات:

ساسو يقول...

صباحك جميل يا مصطفي
بصراحه انت متفوق في كل حاجه
صورتك جميله جدا تسلم ايد اختك الرقيقه
وبالنسبه ليك انت
رسمك في منتهي الجمال والتناسق
اللي انت بتقول قلشت منك بجد تشبه احمد مكي جامد اخر حاجه
وباقي الصوره حلوين اوي
دا علي كده بقي
الواحد يوصيك ترسملي صوره
ههههههه
ممتاز يا مصطفي بجد

Unknown يقول...

حلوه أوي الرسومات دي بجد واضح ان الحس الفني عندك عالي و راقي
و متقلقش حتى لو كتاباتك خدت شكل أدبي ما يمنعش انك تكتب ألوان مختلفه سواء أدب أو مقال بالعامي أو خاطره أو صور جميله زي اللي انت نزلتها
تحياتي ليك و كل سنه و انت طيب:)

reemaas يقول...

ايه ده كله
بجد تسلم ايدك بحب جدا الرسم بالرصاص
كل فترة نزلنا كام صورة يا مصطفى

سَارةٌ يقول...

حلوين فعلاً مش مجامله .. :)

عجبتني صورة العربيه .. :)

دمت موهوباً دايماً .. :)

شريف القاضى يقول...

ما شاء الله ...
طلعت يا مصطفى متعدد المواهب كتابة ورسم ..وحاسس انك ليك فى الموسيقى كمان ... بس بجد هايلين ,,
لولا أنك قلت انك مش رايق للرسم اليومين دول ..كنت طلبت منك رسمه حلوة من رسوماتك ...
كل سنة وانت طيب يا مصطفى ..

Antika يقول...

جميل جدا ما شاء الله
الـ شدنى للمدونة ف البداية هى الصورة الاولانية :) ..

استمر بقى D: ..

FAW يقول...

ساسو
صباحك إنتي أجمل
ميرسي جدا ربنا يخليكي والحمد لله إن ده رأيك في الصورة
وبالنسبة للصورة من عنيا بس بعد الإمتحانات بقي
نورتي

FAW يقول...

شيرين
والله أنا اللي بييجي في بالي بكتبه مبحبش أتقيد بحاجه أصلا
متشكر جدا لذوقك
وإنتي طيبه . .

FAW يقول...

reemaas
ميرسي و نورتي
ربنا يسهل

FAW يقول...

•βЯξαҜ•
رغم إني مش عارف أنطق إسمك ولا أكتبه وعملتله كوبي و باست
بس متشكر جدا
أنا كمان بحب صور العربيات جدا ودي بالذات بحبها أكتر

FAW يقول...

شريف
مين مبيحبش الموسيقي ؟
بس صدقني أخري أكتب أغاني
إدعيلي ربنا يوفقني في الإمتحانات وأنا أهديلك أحلي صورة
وإنت طيب يا باشا

FAW يقول...

antika
يارب تشرفيني دايما
متشكر

Kem يقول...

واااااااو
الصور كلها تحفة
صورة جى لو تحفة
و الصورة اللى رسماهالك اختك كانها حقيقية بالظبط

FAW يقول...

أغاني الشتا
ده بس من ذوقك
نورت

Tears يقول...

جميلة رسوماتك و واضح جدا انك موهوب


تحياتي

FAW يقول...

tears
شكرا جدا
شرفتي

Noha Saleh يقول...

بجد الرسومات جميلة اوى
كل سنة وانت طيب

FAW يقول...

noha
ده بس من ذوقك
وإنتي طيبه . .

Emtiaz Zourob يقول...

عن جد ، كثير كثير حلوين الرسومات ، يعني مش بس كاتب لا وكمان فنان
يا هيك الرسم يا بلا
وكمان رسومات اختك حلوة
يشرفني المرور بمدونتك اخي باش كاتب

FAW يقول...

قلم ودفتر
وأنا كمان يشرفني جدا مرورك
وشكرا لذوقك
نورتيني

هبة فاروق يقول...

يسعدنى زيارة مدونتك وصور جميلة فعلا
واللى عجبنى اكتر صورة صاحبك سمير غانم
ههههههههههههههه
للتواصل http://wwwmcdialogueorgurllisttxt.blogspot.com/

FAW يقول...

هبة
نورتي ومبسوط إنها عجبتك
تحياتي . .

مجدي أبو المجد يقول...

بجد فنان - اعتقد ان احسن اصدق رأي تسمعه من حد لا يعرفك ولا تعرفه بس والله ايدك تتلف في حرير

FAW يقول...

صرخة حق
فعلا , عندك حق
متشكر جدا . .