يا أخي مش كنت تقول وإنت كل يوم عمال تسألني عن كل حاجة وأنا بزهق منك
يا أخي مش كنت تقول وإنت بتحكيلي عن إبنك والطفل اللي جاي في السكة وأنا لسه
معرفش حاجة عن مشاعر الأبوة
يا أخي مش كنت تقول وإنت بتحكيلي عن المدير لما إداك مكافئة وكنت في قمة سعادتك
وأنا مش في دماغي
يا أخي مش كنت تقول وإنت بتحكيلي عن القرض اللي عايز تاخده عشان تكمل أقساط
شقتك وأنا مش مهتم
يا أخي مش كنت تقول لما قلتلي أقعد معايا شوية وأنا إستعجلت ومشيت
يا أخي مش كنت تقول وإنت بتسلفني شنطتك إني مش هرجعهالك تاني
يا أخي مش كنت تقول وإنت بتعزمني علي جيلي إنها آخر مرة هتعزمني
يا أخي مش كنت تقول وإنت نازل بالليل إنها آخر مرة هشوفك
يا أخي مش كنت تقول وإنت فاتح باب أوضتك إني مش هشوفه مفتوح تاني
يا أخي مش كنت تقول إني هضطر أعدّي من قدامه كل يوم وأنا عارف إنك مش جوه
يا أخي مش كنت تقول إنك ناوي تزعلنا وتوجع قلبنا عليك
يا أخي مش كنت تقول إنهم هيقتلوك غدر ومن غير تمن
كنت قلت حاجة يا أخي
كنت قلت حاجة
ربنا يرحمك يا محمد ويغفر لك
14 التعليقات:
:(((
ربنا يرحمه ويغفرله ويسكنه فسيح جناته ان شاء الله
ربنا يرحمه يارب وجعت قلبى يا مصطفى هو الفراق اللى صعب ربنا يجمعنا معاه ومع كل الشهدا بالجنة
البقاء لله
ربنا يتغمده برحمته ويسكنه فسيح جناته
ويلهم اهله الصبر
البقاء لله
ربنا يرحمه ويغفر له
:((
ربنا يرحمه ويغفرله ويصبركوا وأهله يااااارب
شكرا للجميع
ونعم بالله . . آمين
مصطفى
مش كنت تقول انك هنا يا أخى وانا عمال ادور عليك كلما رأيت اسم fawواخيرا لقيت ك انت اللى كنت بدور عليك وانت اللى قلبى هدانى اليك
اسلوبك جذاب ومحبب
الله يرحمك يا محمد ويغفر لك
لم اترك مدونتك قبل ان اتقدم بطلب اشتراك لكى انضم الى متابعيك
الفاروق
ربنا يرحمه و يسكنه فسيح جناته
و يصبر محبيه
تحياتى
الله يرحمه ويغفر له
...
البقاء لله
الله يرحمه ويجعل مثواه الجنة
ويصبر اهله
farouk
متشكر جدا لذوقك وأتشرف بمتابعتك
_______________________________
إبراهيم رزق
آمين إن شاء الله
_______________________________
blue
يا رب
noha saleh
ربنا يصبر أهله فعلا . .
شكرا
مررت على الكثير مما كتبت وهنا فقط لم أستطع أن أمر دون التعليق
نحتسبه عند الله شهيدًا، ونسأل الله أن يحمي مصر الحبيبة
دمتّ بسلام
أحمد شريف
شكرا وآمين يارب العالمين
وزيارتك شرفتني بـ أو بدون تعليق
تحياتي
إرسال تعليق