الثلاثاء، 25 أكتوبر 2011

طلّـــــــة + (تحديث)










المدونة - الباش مهندسة - الجميلة ميرام أبهرتني الصراحة لما كملت القصيدة من وحيها المثمر فحبيت إني أضيفه للبوست - بعد إستئذانها طبعا . . 



مصطفي فوزي



هي حالة إسمها والشكـل هالة
فوق راسها منورة بتقول تعالي
هي مين دي وجت منين
شفتها وكأني سكران للثمالة

ضمة شفاهها والجدايل مفروشين
غمزة غارزة والعيون مدوّرين
صوتها عالي
تشوفها تسمع عصفورين متولّفين

باينة هادية . . بس هي في الحقيقة شادية
روحها فايتة . . قلبي منها راح بقاضية
واللي زاد وكأني تايه
من بسمة بس . . حسيتها عني الدنيا راضية

في وسطهم فاكرينها مش في الضيّ
حاسبين عيونها طفلة بضفيرة في الحي
وأنا وحدي ولو يحسوا
شايفها جنة في أرضنا أبدا ملهاش زي

 عارفة حاسة , شايفة راسية . . بعقل دافي
رحت مني , يوم بطوله , لو قصادها لأ مش كافي
مالية بحنانها المكان
واللطافة , والشياكة , واللباقة , ويّا إحساسها الخرافي

إنسانة حرة . . جواها بالمللي زي اللي بره
مش عارفها بس بعرف , لو شفت درة
نفسي أقرب
نفسي أقولها , نفسي تبقي لعيني قرة



ميـرام عـلي



هي حالة .

.
والكلام اصبح في حضرتها استحاله


حاجة بتشدك بتنده جوه ودنك ..


مش هتبعد .. لأ ..تعالى ..


هي احسـاس السراب

 ..
فين حقيقته من خياله ..


وانت نفسك.

.
بس توصل للدلاله


هي لحظة فايته منك 

..
وانت متشعبط في ساعه !


هي ترياق السعاده


وانت معدوم المناعه ..


هي قطة 

..
فيها اضداد الشراسه


والوداعـه 







15 التعليقات:

ابراهيم رزق يقول...

جميلة جدا
و معبرة و صادقة و بسيطة
عبرت عن واحدة جميلة
بجد حبتها و ارتبطت بها

تحياتى لفكرك

شريف القاضى يقول...

هو ايه حكايتك مع الشعر الايام دى بالضبط ؟؟

Unknown يقول...

ياااااه جميله أوي يا مصطفى كأني شفتها بعنيك...تعرف هو ده الحب لما تشوف و تحس معاها حاجات محدش تاني يشوفها أو يحسها و تبقى فعينك حاجه مختلفه و كأنها ملاك ماشي على الأرض و تستغرب إزاي الناس بيتعاملوا معاها و يشوفوها عادي كده من غير ما يدوبوا زيك.
جميله أوي خليتني مش عايزه أبطل كلام :)

reemaas يقول...

إنسانة حرة . . جواها بالمللي زي اللي بره

حاسة انى اعرفها:)

FAW يقول...

إبراهيم رزق

متشكر جدا لذوق حضرتك

تحياتي

FAW يقول...

شريف

ماله بس الشعر . . والله هو الإلهام بييجي مبقدرش أمسك نفسي :)

منور . .

FAW يقول...

شيرين

وصفك دقيق وجميل قوي . .

يا ريتك شفتيها فعلا مكنتيش هتبطلي كلام :))

منورة كالعادة . .

FAW يقول...

reemaas

طب متعرفيني عليها . . ؟

شكرا لمرورك وتعليقك :)

ميرام يقول...

(: الله الله


هي حالة ..
والكلام اصبح في حضرتها استحاله
حاجة بتشدك بتنده جوه ودنك ..
مش هتبعد .. لأ ..تعالى ..
هي احساس السراب ..
فين حقيقته من خياله ..
وانت نفسك..
بس توصل للدلاله
هي لحظة فايته منك ..
وانت متشعبط في ساعه !
هي ترياق السعاده
وانت معدوم المناعه ..
هي قطة ..
فيها اضداد الشراسه
والوداعه

(:
منتظرة جديدك

FAW يقول...

ميرام

الله إنتي . .

لأ جديد إيه بقي ده إنتي الجديد كله :)

وهمتيني بصراحة

تسمحيلي أحدث البوست والناس تقرا كلماتك الجميلة ؟

تحياتي قوي . .

ميرام يقول...

يافندم دا تاثير حالتك (:
اتفضلها أكيد من غير استئذان
يسعدني طبعا (:
كامل احترامي

Emtiaz Zourob يقول...

هي حالة إسمها والشكـل هالة فوق راسها منورة بتقول تعالي هي مين دي وجت منين شفتها وكأني سكران للثمالة
""""""""
حلوة كثير وكمان إضافة ميرام حلوة ..

سعيدة بمروري هنا .

FAW يقول...

وجع البنفسج

متشكر جدا لذوقك

تنوريني دايما :)

ساسو يقول...

مصطفي
وحشتني كتير
ليه مش بتسأل عليا
باين عليك نستني

كلماتك قمه في الروعه
احساسك بحبك لطيف اوي
مشاعرك دافيه لابعد الحدود
بجد كلماتك بتحرك القلوب

دمت بود صديقي الجميل

FAW يقول...

ساسو
ربنا يخليكي

منستكيش ولا حاجة والله بس فعلا دخولي عالمدونة قل قوي معرفش ليه مبقتش قادر وبكتب بالعافية , كمان بتابع المدونات بصعوبة وتقريبا مبعلقش

معلش سماح المرة دي

متشكر قوي علي ذوقك


تحياتي