أول يومين
أول وتاني إسبوعين
قبل السنين
أيام ما كنا صغيرين
أول دقيقة , قلبي قاد فيها حريقة
أول مرة أشوف , علشان أشوفك طريقة
أول ضحكة جاية بتجري من بعيد
أول غيرة بتكشيرة في عيون بريئة
تاني أعيشهم , مش بعدهم , لأ قبل النهاية
قبل اليومين الضيقين
قبل السنين , أيام ما كنا حنيّنين
أيام أول لقا , أول سهر , أول رسالة
أول مرة العينين ندهت تعالي
أول لبس بذوق حبيبك
أول غمز , لمز , إحساسهم بحالة
تاني أعيشهم , مش بعدهم , لأ قبل النهاية
قبل قلوبنا الميّتين
قبل السنين , أيام ما كنا متجمّعين
أيام أول كسوف , أول كلمة حب إتشكلت حروف
أول مرة طلعت : طمنّي عليك , فعلا بخوف
أول معايدة
أول هدية رغم البساطة تسوي الألوف
تاني أعيشهم , نفسي أعيدهم , همّ بتمامهم
مش قبلهم ولا بعدهم بعد النهاية
لأ في عزّهم
قبل كلام اللوّامين
قبل السنين , أيام ما كنا قريّبين
أيام أول مشاركة في حلم من غير شروط
أول ساعات في ثواني معاك تفوت
أول مناهدة علشان بحبك
أول فهم رغم السكوت
تاني أعيشهم , لسه لامسهم , لاغير عايزهم
مش مهم إيه بعدهم , ولا يفيدني إيه منهم
بس الأكيد محتاجلهم
أيام مكنتش بحسب للي فات
أيام حنين
قبل الأنين
قبل السنين
أيام ما كنا متأكدين
20 التعليقات:
مافي اجمل من ذكريات أول حالة ..
كلماتك جميلة قوي يا مصطفى ..
عن جد استمتعت بالقراءة ..
طاب مساؤك .
:)
فعلا , أجمل الأحاسيس الواحد نفسه يكرر فيها للأبد :)
شكرا لذوقك
نورتيني جدا . .
الاول دائما يحفر فى الذاكرة
اول مدرسة
اول عمل
اول حب
انها بكارة الاشياء
و البكارة دائما بريئة و نقية لم تلوث
تحياتى لفكرك
دايما اول حاجة بتحصل فى حياة الانسان بيكون لها ذكرى جميلة
حلوة الكلمات
بحب انا اول حاجة فى كل حاجة
اد ايه بتبقى برئيةوصادقة
جميله يادرش
جميـــــــــــلة (:
إحساسك فيها عالي قوي
:)
حلوة بجد
إبراهيم رزق
عندك حق :)
شكرا . .
نورتني
noha sale7
هي سواء حلوة أو وحشة , مبتتنسيش خالص
للأسف
تحياتي . .
reemaas
أكيد . . الإحساس بحاجة لأول مرة وقبل التعود عليها , بيبقي فريد من نوعه
الله يخليكي :)
نورتي
ميرام
إنتي أجمل :)
p a s h a
شكرا :)
نورت
بالتوفيق والسداد
تحيتي ومودتي
حلوة بجد ...:)
محمد ملوك
شكرا ونورتني :)
blue
متشكر لذوقك . .
كل حاجة فى بدايتها تأثيرها مش بيروح بمرور الوقت .. يمكن عشان بتبقى من القلب أوى
..
احساسها حلو أوى .. :)
sarah
فعلا معاكي حق
نورتيني ومتشكر لذوقك :)
مصطفى
جميله جدا جدا ..
محسوسه وواصله اوى .. فكرتنى انا كمان باول كل حاجة حلوة فى حياتى
بيبقى ليها طعم مختلف وجميل
تحياتى :))
زهرة
منوراني جدا , فينك من زمان
ميرسي جدا علي ذوقك ومبسوط إنها عجبتك
تحياتي ليكي
إرسال تعليق