السبت، 14 مايو 2011

بكره أحلي










مش ناسي ومش هفتكر

ومش هيفرق شئ إندثر

وكأن معدش فيه عقول

وكأن الحلم فينا إنكسر


تاريخ بيقول كده ده فشل

ثورة ولا حركة مش مهم مين عمل

ليه بنحكم علي اللي فات

طب نفكر في اللي آت

طب نحس شوية إن بكره فيه أمل


ناصر ده بطل همام

بس مات

سكته ولا سم

أو سادات


والتاني ده برضو جابوه

حللوه بعد ما في التراب داروه

واللي قتله أبرزوه

حارب لكنه وفي لسان معارضينه

فرعون سكات


مبارك كمان أهو وصل

وإتعلم تمام من اللي حصل

بالفساد وبالخيانة

مسرح خلاص ستاره إنسدل


كفاية

الغد

تغيير

خالد سعيد

مش مهم إيه الجديد

المهم وبشجاعة نقول نريد


عنصرين أمتنا كانوا

ولا زالوا إتنين بعاد

من المدارس من براعم العماد

للمسلمين . . للمسيحيين

عايزين مدارس للجهاد


مجلسنا شايف . . عارف وعايز

مجلسنا خايف . . خاين ؟ . . جايز

ولو بتقول فرعوننا غار

وخلاص دي جنة من بعد نار

إجمد وصمم . . ركز شوية

لحسن عدوك في النهاية تشوفه فايز


يا جدو عيسوي إصحي وفوق

مش صحابك . . دول صادوك

ولو مكسوف تقولها لينا

إشارة بس منك إلينا

نعملهوملك شيش طاووق


شرفنا بان في الضلمه نور

بس لسه حاسين فتور

لسه سنة . . لأ كتير صراحة

ومش هنلجأ للقباحة

بس إقوي حواليك شرور


عيب علي اللي يقول تغور

دي ليكو كانت لجل نعدي بيها البحور

ثورة طاهرة بس ممكن شوية جاهلة

صعبة بس في النهاية سهلة

ليه مفيش أمل في بكره

ليه بننسي حكامنا القدام

قبل عنهم ما يفرقنا سور


أيوه مستعجل بقولها ليكي

أيوه عايز أشوف عنيكي

فوق ورافعة الراية تاني

وكلهم ماسكين إيديكي


مش هقول ملاك أنا

مش شتيمة في الكل إلا أنا

بس نفسي في التفاهة منركزش

نفسي في عمانا . . في جهلنا منزيدش

نفسي في نفسنا . . نبقي الأغلبية المؤمنة



4 التعليقات:

reemaas يقول...

جميلة يا مصطفى وياريت فعلا نخلع نفسنا احنا من مين سرق ومين باع ومين خان ونسيبها لللى دى شغلتهم ونفوق احنا لشغلنا بقى

FAW يقول...

فعلا والله ماهيفرق كل الكلام الفاضي اللي إحنا بنضيع فيه وقتنا ده
رغي و هري و خلاص
و يا رب تطلع ظنوني السيئة خيالات

نورتي . .

ساسو يقول...

رائع مصطفي
كلماتك جميله اوي
واحساسك قمه في الرقه
دمت بود

FAW يقول...

ساسو

متشكر جدا لذوقك

منورة دايما . .