الاثنين، 17 يناير، 2011

:(







يعني إيه قوميه عربيه ؟
يعني نعرف أخبار الثورة التونسيه من حليفة الصهيونيه
يعني إيه إستهبال ؟
يعني (الحزب) (يوصي) بعدم نشر أي تصريحات حكوميه سلبيه أم إيجابيه
يعني إيه إستسهال ؟
يعني وزير التربيه والتعليم ينزل يقف مع المتظاهرين ويمضي تعهد علي نفسه بعدم إتخاذ قرارات نقل تعسفيه
يعني إيه إستقرار ؟
يعني تجاهل وتناسي ونسيان علشان نأكل العيال
يعني إيه تونس ؟
يعني تسليم من فسدة لفسدة
يعني إيه تونس ؟
يعني ننسي الفتنه الطائفيه
يعني إيه بطولة حوض النيل ؟
يعني ننسي تونس
يعني إيه مصر ؟
يعني أي بطولة في كرة القدم
يعني إيه وطنيه ؟
يعني فوق الـ100 ألف متفرج رافعين أعلام مصر وأغاني وطنيه وعلاء وجمال وهتافات بحب مصر
يعني إيه كورة ؟
يعني آلاف الفقراء جايين من كل مكان وبيدفعوا فلوس علشان يتفرجوا علي حفنة مليونيرات
يعني إيه وطنيه ؟
يعني أحرق نفسي علشان آخد حقي
يعني إيه إنتماء ؟
يعني أسيب اللي إتحرق يولع وأروح أتفرج عالماتش
يعني إيه ملل ؟
يعني (برضو) يطلع مريض نفسيا
يعني إيه ثقه وجبروت ؟
يعني صرف إعانات وخفض أسعار وتأجيل ضرائب جديده لحين إنتهاء الموجه
يعني إيه وطنيه ؟
يعني سنيه وصوفيه وشيعيه وقرآنيه وأخوانيه وبهائيه ومسيحيه ويساريه وناصريه وبدو وقبليه وتغيير وغد وتجمع وبلاوي زرقه
يعني إيه إنتماء ؟
يعني إنتماء للفرقه , ضد الجماعه , لسرقة الوطن
يعني إيه حرية ؟
يعني إسم تمثال في أمريكا
يعني إيه ديموقراطيه ؟
يعني مادة عمرها ما هتنزل في مناهجنا
يعني إيه حضارة ؟
يعني إعتراف ضمني بإنها إنتهت . . بإنها 7000 سنة . . منذ مولدي وحتي هذه اللحظه
يعني إيه تغيير ؟
يعني كلام وصور أكتر علي الفيس بوك
يعني إيه رجال الوطن ؟
يعني رجل الحزب . . رجل الشارع . . رجل الإنترنت . . ولا أحد يعرف الآخر


6 التعليقات:

شيرين سامي يقول...

ههههه هم يضحك و هم يبكي
فكرتني لما يخلص الماتش و نانسي تقول (أنا مصري و أبويا مصري) و يجيبوا صورة جيمي و أبوه هههه
طب و احنا مش مصريين ولا ايه هههه
تعريفاتك صحيحه دمها خفيف لكن مضمونها مُخيف جداً
ربنا يستر
تحياتي لك

FAW يقول...

ما هو أنا يا شيرين زي كل المصريين
دمي خفيف بشكل مخيف . . :)
متتخيليش أنا كنت بغلي قد إيه لما فتحت بالصدفه عالماتش ده . .

شريف القاضى يقول...

موضوع حلو أووى يا درش ...أنا بحب التعريفات دى جدا...
وانت جبت من الاخر ...

FAW يقول...

شريف
منور كالعادة يا باشا . .

Tears يقول...

صدقنى لا ينقص مصر سوى رجال بجد

مراهــ إستثنائي ــق zỉkŎnỉss يقول...

ههههههه
كلام جميل جداً