قولوا عليا مجنون . . قولوا عليا موهوم !!
القصيده دي ألفتها في ساعه , وده بعتبره رقم قياسي بصراحه , إهداء لكل شرقاوي . . وهما كتيييييييير هنا . .
الـــــزقازيــــق
مدينه عالميه علي ارض الشرقيه
زنقاكي من علي الشمال المحافظه القليوبيه
و زنقاكي من علي اليمين المحافظه الإسماعيليه
مللت شوارعك الضيقه الملتويه
أرهقني سيري وسط حطام الطرق الجانبيه
عطلني ازدحامك دوما في الفتره الصباحيه
وتوقف الطريق تماما عند كوبري العسكريه
كرهت توافد الناس امام محطتك الحديديه
وصراعهم الدائم مع سائقي العربات السيرفيسيه
اختنقت من كثرة سياراتك والدراجات البخاريه
تهت مرارا بمداخلك ومخارجك المختفيه
انزلقت دوما علي أرصفتك التي أتلفتها عوامل التعريه
فسدت كل أحذيتي من قمامتك الملقيه
وضعف بصري من أتربه الرز القشيه
خلت ترعتك من قطرة ماء نقيه
وعاني سكانك كثيرا من انقطاع التيارات الكهربائيه
يأست فيك بحثا عن مكان لركن العربيه
ودقت ذرعا يوميا من مشهد الجامعه العماليه
وأوشكت أن أقتل أحد أطفال الشوارع بعصبيه
إزداد قبح شوارعك و مبانيك وميادينك العشوائيه
وإحتاج الغريب فيك إلي خريطه توضيحيه
إحتار حكامك في مشكلة المرور الأبديه
ونداء البائعين في شارع البوسته والمكاتب وخلف المديريه
وإزداد مللي بآثارك الفرعونيه وبقايا الثوره العرابيه
ورغم كل هذا أحبك
فأنت وطني وكل اللي ليا
ففيك أصدقائي و أحبائي والعيشه الهنيه
وفيك قضيت أجمل ليالي في ليالي الحلميه
وأكلت أجمل ما في مصر من كشري بالتقليه
ومكثت أمام قصر الثقافه إنتظارا لتأمل أتوبيس جامعة مصر الدوليه
وإستمتعت أياما لا نهائيه من اللف في القوميه
وتمتعت بفتياتك الجميلات في ملابسهن الصيفيه
والشتويه
وقضيت ليال سمر علي ضفاف ترعتك أمام باب الكليه الأدبيه
وبكيت حزنا حين أزالوا الصينيه
ليستبدلوها فورا بأربع إشارات مروريه
وصادفت سكانك في جميع بقاع مصر الجمهوريه
ولم أصدق نفسي حين دخلت السنيما إليك في بلازا المصريه
وإستمتعت بالسير دوما في شوارع وسط البلد الملتويه
حتي ساد الإلتواء أيضا حتي في فللك الجامعيه
ومرحت أيام الماضي بنادي الشرقيه
وتفاخرت كثيرا بفرق الهوكي الدوليه
رغم إهتمام العالم بالساحره الكرويه
وضحكت من شهرة الجميع في المغامرات العاطفيه
وتقسيم كل شلة بأسماء محلات القوميه
وأخيرا شهرتك بجميع مواقع الانترنت والشات والنطاقات البحثيه
ولهذا سأبقي بك حتي النهايه الأبديه
19 التعليقات:
يا سلام
موهوب موهوب
بتعجبني مواضيعك جدا
وكلامك
مدونت قمه في الجمال
ساسو
شهادة أعتز بيها ربنا يخليكي
نورتي . .
رغم انى ماليش فى الشعر يا مصطفى ..
لكن بما انى زقازيقى ...فكلامك سليم مية المية .....
جميلة ... عمرى ما زرت الزقازيق لكن نفسى أزورها :))
شريف
ولا أنا والله
بس بحاول
آخر أيام الخريف
تنوري والله
عندنا أحلي كشري في مصر
شرقاوية وافتخر :)
جميلة يا مصطفى بجد
بمناسبة الكشرى .. أكلت كشرى فى كذا مكان لكن بجد كشرى الزقازيق أحلاهم .. متحيزة جداً
زهره
مبسوط والله إنك طلعتي شرقاويه
فعلا ملوش حل
استمتعت وانا بقراها جدا
لانى كنت بدرس فى جامعة الزقازيق
مصطفي
احجزلي طبق كشري ضروري
اكلتي المفضله
بس ظبطه اخر حاجه
وانا هاجي أخده هوا
noha
مش بقولكوا يا جدعان مدينه عالميه
ساسو
تحت أمرك
عظيم ان تكون صاحب موهبة كتلك
ربنا يوفقك
tears
ميرسي جدا
ماشاء الله عليك
ترجمت حبك للزقازيق فى معانى جميلة وراقية ومعبرة عن حبك لها
تسلم الايادى
نهر الحب
متشكر
نورتيني . .
فينك يا مصطفي
مش بتيجي مدونتي ليه
يارب يكون المانع خير
جميل ما خطته أناملك..
كنت هنا..
خالد . .
متشكر
نورت
إرسال تعليق